Քարի արտադրություն

   «ՎԵԿՍ» ընկերությունը  զբաղվում է քարամշակմամբ 1997թվականից: Մշակում է Հայաստանում արդյունահանվող մի քանի քարատեսակներ`

• Տուֆ

• Բազալտ

• Ֆելզիտ

• Տրավերտին

• Մարմար

• Գրանիտ:

Սեփական քարհանքից արդյունահանում է դասական արարատյան տրավերտին:  Հանքարդյունաբերության  և տրավերտինե քարերի մշակման արտադրամասերը, որոնք զբաղեցնում են համապատասխանաբար շուրջ 15 հա և 1.5 հա տարածքներ,  հագեցած են իտալական ժամանակակից  և ճշգրիտ սարքավորումներով, որոնք տեղադրվել և շահագործվել են իտալացի մասնագետների կողմից:

Հոսքագծերը հնարավորություն են տալիս ունենեալ որակյալ և մրցունակ արտադրանք, որը շուրջ  20 տարիների ընթացքում մեծ հաջողությամբ արտահանվում է այնպիսի երկրներ, ինչպիսինն  են ԱՄՆ, Գերմանիա, Ֆրանսիա, Նիդեռլանդներ, Ռուսաստան, Արաբական էմիրություններ, Ղազախստան,Վրաստան և այլն:

Հագեցած են սալիկների,  խճանկարների, բարդ կոնֆիգուրացիաների (քիվեր, կամարներ, սյուներ, հիմք-ռելիեֆներ, շատրվաններ, լգարանի հատակ և այլն) արտադրության գծերը:

Բազմամյա նպատակաուղղված և կանոնավոր աշխատանքի շնորհիվ ընկերությունը ձեռք է բերել լայն ճանաչում` հասնելով որակի միջազգային չափանիշների: Իր աշխատանքի հիմքում ընկերությունը դնում է նորագույն տեխնոլոգիաներ, բացառապես բարձրորակ հումք և միջոցներ:  «ՎԵԿՍ» ընկերությունը մշտապես հոգ է տանում տեխնոլոգիաների նորացման, մասնագետների վերապատրաստման և մասնագիտական որակավորման բարձրացման մասին` անընդհատ կատարելագործելով իր տեսականու որակը: Քարի վերամշակման բաժինը ամբողջությամբ ընդգրկված է բարձրակարգ մասնագետների և օպերատորների կողմից, որոնց աշխատանքային փորձը ընկերությունում  առնվազն 10-15 տարի է: